LAJME

Këto ditë pritet të ketë rritje të çmimit të derivateve dhe energjisë elektrike

Kryetari i Naftëtarëve të Kosovës, Fadil Berjani, thotë se qytetarët e Kosovës aktualisht po shërbehen me çmimet më të lira në rajon, përjashtim Maqedonisë së Veriut.

Sipas tij, çmimet e derivateve brenda pak ditësh pritet të rriten edhe në vendin tonë.

“Çmimet në Kosovë janë kështu Diezel 0.99 deri 1.07 cent, Benzina 1.04 deri 1.06. Çmimet në import ka pas rritje, ndërsa me pakicë ka qenë një rritje e lehtë”, ka thënë ai për IndeksOnline.

“Sipas organizatës prodhuese OPEC pasi që prodhimi është reduktuar pritet të ketë rritje më të theksuar të derivateve”, ka theksuar ai.

Berjani ka treguar se si qëndrojnë çmimet e derivateve edhe në rajon, krahasim me Kosovën.

“Sa i perket çmimeve ne rajon në Shqipëri çmimet sillen diezel 1.29cent Benzina 1.30 cent”, tha ai.

Dieseli 0.98 deri 1.04 Benzina, 1. euro deri 1.06 çmimet janë në rritje të lehtë”, ka thënë Berjani për IndeksOnlinen.

Ai ka përmendur faktin se qytetarët e Republikës së Kosovës janë duke u shërbyer me çmimet më të lira në rajon, përveç Maqedonisë së Veriut që e kanë akcizën më të lirë për 0.22 centë.

Paralajmërimi për rritjen e çmimit të energjisë elektrike në vend, ka shqetësuar bizneset, thotë kryetari i Aleancës Kosovare të Bizneseve, Agim Shahini, duke shtuar se duhet të ndodhë sa më shpejtë liberalizimi i tregut në mënyrë që të rritet konkurenca, që siç thotë ai do të ketë edhe oferta me çmime më të mira.

Në një intervistë për Ekonomia Online, Shahini ka thënë se paralajmërimi për rritjen e çmimit të energjisë elektrike është shqetësim i madh për qytetarët, bizneset, pasi që energjia është një ndër shtyllat kryesore që merr pjesë në shërbim apo prodhim.

“Mendon se energjia elektrike është një trend në gjihë botën dhe në Kosovë kjo ka rrit shqetësime të mëdha prandaj liberalizimi sa më i shpejtë i tregut për furnzimin të energjisë elektrike do të futë konkurencën. Në konkurencë mund të kemi edhe oferta më të mira edhe çmime më të mira dhe kjo do të jep mundësi jo sipas ligjeve aktuale por duhet të ndryshohen ligjet që secilin qytetar të blenë atje ku e ka më lirë, dhe ligjet aktuale që janë të limituara dhe bizneset se ku mund ta blenë energjinë elektrike.Prandaj paralajmërimi për rritje të çmimit të energjisë elektrike është një shqetësim i madh për qytetarët, për bizneset sepse energjia është një nga shtyllat kryesore që merr pjesë në prodhim apo shërbim”, tha Shahini.

Shahin tutje tha se Qeveria përmes rregullatorit duhet të shikon saktë se për çfarë po kërkohet rritja e çmimit të energjisë, e njëra prej masave kryesore që duhet ta ndërmerr është liberalizimi i tregut, që operatorët ekonomik ta blenë atje nuk është më lirë.

“Qeveria duhet që përmes rregullatorit të shikon saktë se pse kërkohet rritje të energjisë elektrike prej 40%. Duhet të shikohet se cilat janë masat që mund t’i merr që mos të rritet, masat që duhet t’i merr janë liberalizimi i tregut që operatorët ekonomik të kenë të drejtë secili të blenë energjinë atë ku e gjenë më lirë dhe jo t’i jepet dikujt monopol dhe t’i merr pengë licencat dhe të ju ofron qytetarëve të vetë energji sipas atij që e ka përfitimin, por duhet të jepet mundësia që të liberalizohet tregu, të liberalizohen ligjet dhe qytetarët të blejnë energji atje ku e gjejnë më lirë”, u shpreh ai.

Related Articles

Leave a Reply

Your email address will not be published. Required fields are marked *

Back to top button
Close