LAJME

Gjilanasi gjobitet me 1500 euro pasi dha ryshfet 20 euro

Gjykata Themelore në Gjilan ka dënuar me 1.500 euro gjobë gjilanasin J.M., që kishte dhënë 20 euro ryshfet në kufi.

Gjykata Themelore e Gjilanit ka njoftuar se J.M. është dënuar me 500 euro gjobë dhe katër muaj burgim, dënim ky i fundit i zëvendësuar me 1000 euro gjobë shtesë. Ai ishte ndalur në pikën kufitare “Dheu i Bardhë” më 28 maj të këtij viti. Gjatë kontrollit, i ishte gjetur mall komercial i padeklaruar, produkte kozmetike dhe tekstil në kamionin me të cilin udhëtonte.

“Me këtë rast i akuzuari J. M. ia ofron 20 euro zyrtarëve të lartpërmendur, duke iu thënë “mos e boni të madhe këtë punë dhe së bashku merrni 20 euro dhe pini diçka, hani”, me ç’rast zyrtari policor i fotografon paratë dhe të njëjtat i konfiskon. Me këto veprime i akuzuari ka kryer veprën penale “dhënie ryshfeti”, vepër e sanksionuar me Kodin Penal të Republikës së Kosovës (KPRK). Pas pranimit të fajësisë nga i akuzuari për kryerjen e kësaj vepre, gjyqtari i Departamentit të Krimeve të Rënda, ka shqiptuar dënim unik në shumë prej 1500 Euro”, është thënë nga Gjykata Themelore e Gjilanit.

Related Articles

Leave a Reply

Your email address will not be published. Required fields are marked *

Back to top button
Close