LAJME

Nevzad Isufi: Jam kundër shfrytëzimit të kësaj tragjedie për sulme individuale

Kryetari i Vetëvendosjes në Gjilan z. Nevzad Isufi ka reaguar sa i përket vdekjes së të riut nga Gjilani.

Ai iu ka shprehur ngushëllime familjes së të ndjerit.

Po ju sjellim reagimin e plotë;

Vdekja e të riut Agon Musliu, në moshën më të mirë, sigurisht që është një tragjedi jo vetëm për familjen. Në këtë kohë pandemie që është një tragjedi botërore, te ne në Kosovë kësaj here, nga Instituti shëndetit publik dhe nga Ministria e shëndetësisë, së paku publikisht është krijuar përshtypja që njeriu është vlera më e madhe dhe se nga ai duhet përqendrohet e gjithë vëmendja.

Kjo është ana më pozitive që kaq ndodhur deri më tash. Prandaj jam shumë i bindur që edhe këto institucione, por edhe institucionet tjera do ta kenë përjetuar rëndë këtë tragjedi.
Kjo nuk nënkupton se dikush duhet përjashtuar nga çdo përgjegjësi e mundshme, ashtu siç jam kundër shfrytëzimit të kësaj tragjedie për sulme individuale e grupore të pa bazuara, sidomos nga ata që në një formë e kanë injoruar edhe pandeminë, por që edhe në të kaluarën nuk kanë dhënë prova se ju intereson shëndeti individual e kolektiv, madje as jeta kësaj shoqërie.

U shpreh ngushëllimet e mija të sinqerta gjithë familjes, shokëve, miqve dhe të gjithëve, për humbjen e jetës së Agon Musliut!

Related Articles

Leave a Reply

Your email address will not be published. Required fields are marked *

Back to top button
Close