LAJME

Rexhep Kadriu: Qeveria Haradinaj kishte vëmendje të posaçme karshi Anamoravës

Gjilan – Qeveria Haradinaj kishte vëmendje të posaçme karshi Anamoravës, veçanërisht Gjilanit. Sot komuna jonë është shumë më ndryshe se dje, më moderne dhe më lehtë e qarkullueshme. Investimet në Gjilan nuk kanë ndodh asnjëherë në asnjë qeveri për aq shumë vjet, ndërsa për dy vjet në këtë mandat, Gjilani përjetojë dorën e pushtetit qendror thotë Rexhep Kadriu për rajonipress.

Rexhep Kadriu mbetet zyrtari qeveritar më dobiprurës për Anamoravën që nga pas lufta. Kadriu ka menduar dhe vepruar vazhdimisht për projektet e Anamoravës dhe zhvillimin e Anamoravës, derisa kemi zyrtar tjerë të lartë në Qeveri që pos rrjeteve sociale që i kanë shfrytëzuar për nevoja personale asgjë të mirë si kanë sjellur Gjilanit.

Duke folur për projektet e realizuara dhe sfidat e vitit 2019, Kadriu thotë se si përherë, edhe në këtë fundvit bëjmë bilancin e punëve që janë kryer gjatë vitit që po lëm pas. “Viti 2019 nuk ishte vit aspak i lehtë, si në rrafshin politik, ashtu edhe në atë ekonomik e fusha tjera të jetës shoqërore në vend. Është vlerësim i përbashkët se ky vit ka bërë kthesë të madhe në aspektin infrastrukturor, dhe dëshmi për këtë janë të gjitha rrugët nacionale, lokale që janë përfunduar e që është bërë zgjidhje afatgjate dhe që lehtësojnë qarkullimin e njerëzve dhe mallrave” vlerëson Kadriu.

“Qeveria Haradinaj kishte vëmendje të posaçme karshi Anamoravës, veçanërisht Gjilanit. Sot komuna jonë është shumë më ndryshe se dje, më moderne dhe më lehtë e qarkullueshme. Investimet në Gjilan nuk kanë ndodh asnjëherë në asnjë qeveri për aq shumë vjet, ndërsa për dy vjet në këtë mandat, Gjilani përjetojë dorën e pushtetit qendror. Kapërderdhsja në Përlepnicë, Impianti i Ujërave të Zeza, ndërtimi i rrugës moderne në Përlepnicë, zgjerimi i rrugës me katër korsi, ndriçim e infrastrukturë të kompletuar përcjellëse nga qyteti në drejtim të Ferizajit deri në Livoç të Ulët, fillimi i punimeve për zgjerimin e rrugës në drejtim të Bujanocit nga Fabrika e baterive deri tek Bunari i Përlepnicës, si dhe zgjerimi i rrugëve nga tuneli në drejtim të Prishtinës deri në Bresalc dhe nga Livoçi i Ulët deri në Kllokotit, për të cilat investimi është siguruar nga huamarrja në BERZH, cilat janë kontraktuar dhe investime, e shndërrojnë Gjilanin në komunë përveç moderne dhe të qarkullueshme lehtësisht shprehet” Kadriu për rajonipress.

Gjithashtu, Kadriu ka përmendur edhe projektet që janë në realizim e sipër: Rrugët në Malishevën e Epërme, Rruga e Kumanovës faza e dytë dhe rruga Gjilan – Zhegër, Rruga Enver Miftari, ajo Dobërçan – Stublinë, Dobërçan – Pogragjë, ato në fshatin Dobërçan, Rruga Skifter Arifi, ajo Zabel – Uglarë, rrugët ne fshatin Përlepnicë, dhe rruga 7 Shtatori. I kemi përgatitë propozimet për buxhetin e ri që kanë të bëjnë me ndërtimin e rrugëve në Gjilan edhe gjatë vitit 2020. Kemi propozuar këto rrugë; Vazhdimi i Autostradës nga Bresalci deri tek Dheu i Bardhë, ndërtimin e Unazës së Jashtme të qytetit, rrugën e Burincës dhe Lipovicës, rrugët ne Cërrnicë, rrugën 28 nëntori. “Besojmë se qeveria e re e Kosovës, pavarësisht kush do të udhëheqë me të, mos të nxjerrë pengesa që do t`i stopojnë punët që kanë filluar e që janë paraparë për Gjilanin e Anamoravën në përgjithësi”.

Kadriu thotë se nuk janë vetëm sukseset e qeverisë nacionale që kanë krijuar standard të ri në qeverisje. “Edhe në Gjilan Aleanca po len gjurmë, dhe po i jep frymë ndryshe udhëheqjes komunale me dikasteret që ne kemi në kuadër të bashkëqeverisjes me Lidhjen Demokratike të Kosovës, rrjedhimisht me kryetarin, Lutfi Haziri. Drejtoria e Arsimit në Gjilan, me në krye drejtorin Nazim Gagica, dhe ajo e shëndetësisë dhe Mirëqenies Sociale, me drejtor Selami Xhemajli, janë storie e suksesit dhe ndershmërisë në punë në të mirë të qytetarëve. Deri më sot, kemi pasur një bashkëpunim të shkëlqyer me kryetarin e Komunës së Gjilanit, Lutfi Haziri, dhe partnerët e koalicionit, për temat që janë në interes të qytetarëve dhe të komunës në përgjithësi” shtoi Kadriu.

Kadriu tha se si partner të koalicionit, por edhe si qytetarë përtej politikës, vlerësojmë se sfidë e vitit që po vjen mbetet furnizimi i qëndrueshëm me ujë të pijshëm. “Si AAK, jemi të përkushtuar seriozisht dhe maksimalisht që të japim kontributin tonë profesional në gjetjen e alternativave që mundësojnë një zgjidhje afatgjate të kësaj problematike. Shpresojmë që sa më shpejtë të formohen institucionet e reja dhe të gjejmë mjete financiare përmes së cilave do të mundësojmë mbushjen e Pendës së Përlepnicës me ujë nga Kriva Reka, kosto e së cilës është 2 milion e 800 mijë euro, ose alternativë tjetër që është ndërtimi i Pendës në lumin Llapushnik me kosto rreth 9 milionë. Këto alternativa do të diskutohen me të gjithë akterët dhe më shoqërinë civile, dhe të vendosim për variantin më të mirë e që prodhon zgjidhje shumëvjeçare për furnizim me ujë të pijshëm për qytetarët e Gjilanit. Mbetemi të përkushtuar që ta bëjmë Kosovën vend të jetueshëm dhe me dinjitet” tha Kadriu./rajonipress/

Related Articles

Leave a Reply

Your email address will not be published. Required fields are marked *

Back to top button
Close