LAJME

QKMF nderon vullnetarët e Dobërçanit, ndihmuan QMF-në në këtë fshat

Sot në QKMF të Gjilanit në prani të dy drejtorëve të saj, ish drejtoreshës Dr. Salihe Mustafa dhe drejtorit aktual Dr.Fejzulla Berisha, janë shpërndarë mirënjohjeve për vullnetarët e Dobërçanit që ndihmuan QMF-në në këtë fshat.
Haki Abdyli, Nexhat Ibishi, Rexhep Kryeziu dhe Agron Murseli janë vullnetmirët nga Dobërçani që u nderuan me mirënjohje nga QKMF e Gjilanit, për shkak të kontributit të tyre domethënës në përmirësimin e kushteve të punës në QMF të Dobërçanit.

Këtë e ka bërë me dije për Portalin 2LONLINE.com, mjeku Arsim Kastrati i cili vije nga ky fshat, e që është njëri ndër ata që më së miri e ndjenë ndihmën që kanë bërë të nderuarit me mirënjohje.

“Këta bashkëvendës të nderuar me punën dhe mjetet e tyre, bënë që QMF në Dobërçan të ketë ujë, të ketë një hyrje funksionale në brendi të objektit të saj dhe një oborr të mirëmbajtur dhe të bukur ashtu si i ka hije një qendre shëndetësore bashkëkohore”, thotë për 2LONLINE, mjeku Arsim Kastrati.

Ai shtoi se edhe stafi i QMF-së në Dobërçan këtyre bashkëvendësve vullnetmirë ju shprehu falënderime të sinqerta dhe ju uron një vit të ri të suksesshëm dhe të shëndetshëm!

Related Articles

Leave a Reply

Your email address will not be published. Required fields are marked *

Back to top button
Close