LAJME

Ministria e Mjedisit: Luani i kontrabanduar po mbahet në Gjilan, rasti në duart e prokurorisë

Ministria e Mjedisit dhe Planifikimit Hapësinor me iniciativë të AMMK’së kanë krijuar një Grup Punues sa i përket luanit i cili është duke u mbajtur në Stanqit të Gjilanit.

Në këtë grup punues është përfshirë edhe Agjencia e Veterinës dhe Ushqimit, megjithatë për veprime të mëtejshme nga MMPH do të presin opinionin e prokurorisë meqë tashmë e ka në dorë rastin.

Komunikata e plotë:

Në lidhje me rastin e luanit që është duke u mbajtur i mbyllur (në kafaz) në Stanaj (Stançiq) të Gjilanit, Ministria e Mjedisit dhe Planifikimit Hapësinor, Agjencioni për Mbrojtjen e Mjedisit të Kosovës, njofton opinionin publik që rasti i luanit që rezulton të jetë i kontabanduar është duke u trajtuar nga institucioni jonë në koordinim me institucionet tjera shtetërore.

Me iniciativën e AMMK-së, është formuar Grupin Punues ndërinstitucional, ku krahas përfaqësuesve nga Ministria e Mjedisit dhe Planifikimit Hapësinor, janë përfshirë edhe përfaqësues nga Agjencioni i Veterinës dhe Ushqimit – AVUK dhe nga Organizata Pylli i Arinjve.

Qëllimi i formimit të këtij grupi punues është mbledhja e informatave relevante dhe shqyrtimi i bazës ligjore kombëtare dhe ndërkombëtare që rregullon mbajtjen dhe internimin e kafshëve të egra të mbrojtura.

Grupi punues është duke e analizuar rastin në fjalë por meqenëse sipas zyrtarëve doganor kjo çështje ka kaluar në Prokurori atëherë do të merret për bazë edhe opinioni i prokurorisë.

Përndryshe lloji i luanit (Panthera leo) është kafshë e huaj për territorin e Kosovës, por është i mbrojtur me ligje kombëtare dhe ndërkombëtare, andaj çdo përpjekje për mbajtjen e tij duhet kaluar nëpër procedura ligjore dhe çdo shmangie eventuale e këtyre procedurave, sanksionohet sipas legjislacionit në fuqi.

Related Articles

Leave a Reply

Your email address will not be published. Required fields are marked *

Back to top button
Close